Заўтра, 9 красавіка ў 09:45 і 22:05, глядзіце новы выпуск праграмы "Дыя@блог пра прыгожае". У гасцях "Дыя@блогу" - Уладзімір Шчасны, аўтар канцепцыі выставы "Дзесяць стагоддзяў мастацтва Беларусі"

   27 сакавіка ў Нацыянальным мастацкім музеі адкрылася выстава "Дзесяць стагоддзяў мастацтва Беларусі". На ёй было сабрана больш за 500 экспанатаў з XI да XXI стагоддзяў.

   Экспанаты для гэтай маштабнай выставы збіралі ўсім светам. На яе «скінуліся» 27 беларускіх музеяў з усіх канцоў нашай краіны. 

   У гасцях "Дыяблогу" аўтар канцепцыі выставы Уладзімір Шчасны - прафесійны перакладчык, на дыпламатычнай службе з 1983 года, быў паслом Беларусі ў Велікабрытаніі, працаваў у сакратарыяце ААН у Нью-Ёрку, цяпер узначальвае Нацыянальную камісію Беларусі па справах ЮНЕСКА, піша кнігі, п'есы, перакладае. Калі ласка, дасылайце пытанні і каментарыі!
Прыняць удзел у абмеркаванні тэмы можна па сродках SMS. Паведамленні будуць прымацца на кароткі нумар 3800 падчас эфіру праграмы, і з'яўляцца на экране ў выглядзе бягучага радка.

    Праграму цалкам і відэа-нарэзкі на самыя цікавыя пытанні можна паглядзець пасля эфіру тут.     
    Сачыце за абнаўленнямі!